விளையாட்டு பல்கலைக்கழக பட்டமளிப்பு விழா

சென்னை: தமிழ்நாடு உடற்கல்வியியல் மற்றும் விளையாட்டு பல்கலைக்கழகம் சார்பில், சிறப்பு பட்டமளிப்பு விழா நடந்தது. சிதம்பரம் அண்ணாமலை பல்கலைக்கழக நிறுவனர் ராமசாமி, தினத்தந்தி நாளிதழ் இயக்குனர் சிவந்தி ஆதித்தன், இந்தியா சிமென்ட்ஸ் நிர்வாக இயக்குனர் சீனிவாசன், இந்திய கிரிக்கெட் வாரிய தேர்வுக்குழு தலைவர் ஸ்ரீகாந்த், இந்திய கிரிக்கெட் அணி பிசியோதெரபிஸ்ட் அம்ஸ்ராஜ் ஆகியோருக்கு, "மதிப்புறு டாக்டர்' பட்டங்கள் வழங்கப்பட்டன. பல்கலைக்கழக துணைவேந்தர் வைத்தியநாதன், பல்கலைக்கழக பதிவாளர் சுகுமார், அரசு உயர்கல்வி செயலர் கணேசன் உள்ளிட்டோர் பங்கேற்றனர்.

சிதம்பரம் அண்ணாமலை பல்கலைக்கழக நிறுவனர் ராமசாமி பேசும் போது, "விளையாட்டிற்காகவே நான் என் வாழ்வை அர்ப்பணித்துள்ளேன். அரசு வேலைவாய்ப்பில், ஜாதிவாரியாக இட ஒதுக்கீடு வழங்கி வருவது போல், விளையாட்டு வீரர்களுக்கும் 1 சதவீத இட ஒதுக்கீடு வழங்க வேண்டும்' என்றார்.